[晴話綿綿]昨晚對話討論水果的籽

晴：爸爸，那會有的水果有子，有的水果無子啦？
晴爸：像啥物果子無子你講。
晴：像刺莓無子啊！
晴爸拿起草莓吃一半：揣看覓喔，刺莓內底敢有子？
晴：無啊。
晴爸：咦！毋過外口的皮，一粒一粒的彼是啥？
晴：啊！彼子啦！伊的子哪會在外口？
晴爸：我嘛毋知呢～哈--哈----
晴：是按怎有的子會使食，有的子袂使食？
晴爸：像啥物的子會使食？
晴：有....柑仔蜜！刺莓！菝仔！
晴爸：啥物的子袂使食？
晴：柑仔、茂谷柑、蘋果。----檸檬有子無？
晴爸：檸檬有子啊！會使食的子攏較按怎？
晴：啊！我知！彼子攏較軟所以會使食！
晴爸：閣有怹的子攏較大粒抑細粒？
晴：較細粒啊。
晴爸：閣有一種果子嘛毋免呸子喔，外口攏毛毛，咖啡色的，剖開內底青青，酸酸甜甜真好食的，彼是啥？
晴：我知，奇異果！